網紅的藏寶箱《馮檢基真命天子》
呢排馮老伯不停向傳媒放風，話自己真係冇諗住再參選議員，不過好多建制派不停「囈佢」做（唔知有冇跪低斟茶囈佢？）， 頗有「天命難違」嘅感覺……
不過我收到上天啟示，馮老伯一定要參選下任特首！
是咁的，尋日我去石澳後灘執貝殼，忽然見到一隻獅蚶夾住一張紙，寫住「馮檢基」三個字，行多兩步，又見到沙灘上其他蜆呀蟹呀蚌呀夾住一啲字，分別有「真」、「命」、「天」、「子」……
當我執起曬，眼前就出現咗「馮檢基真命天子」呢幾個字，頭殼頂忽然間響起好大聲旱天雷，上帝顯靈呢家嘢，你都咪話唔驚。
既然馮檢基係真命天子，冇理由參選議員咁低莊，一於去馬挑戰KOL同埋「終身制裁」！
跟住我行行重行行、努力加餐飯……
行下行下，見到原來仲有其他蝦兵蟹將夾住啲字，分別係 「弟」、「短」、「契」 呢幾隻字爬嚟爬去。
原本一頭霧水， 將全部字砌下砌下，終於出現咗呢行字。
「天」！ 「短」「命」「子」「馮檢基」「真」「契」「弟」
Search